O 3 de xullo de 2010 publicouse no BOE o Real Decreto Lexislativo 1/2010, do 2 de xullo, polo que se aproba o texto refundido da Lei de Sociedades de Capital. Esta lei deroga a Lei de Sociedades Anónimas, a Lei de Sociedades Limitadas, os artigos do Código de Comercio referidos ás sociedades comanditarias por accións e algúns artigos da Lei do Mercado de Valores.
Na práctica, a nova lei non supón demasiadas novidades, pero convén destacar as seguintes:
Froito da tradución de pesetas a euros que se realizou no seu momento as cantidades de capital mínimo tiñan decimais.
Por exemplo, no caso das sociedades anónimas pasouse de 10 millóns de pesetas a 60.101,21 euros. Agora redondéase a cifra e o novo capital mínimo esixible será de 60.100 euros, o que supón a eliminación da esixencia deses 1,21 euros que os promotores da sociedade terán que depositar.
Para as SL o capital mínimo será 3.000 euros fronte aos 3.005,06 euros vixentes e no caso das sociedades limitadas nova empresa, pola contra, mantense as cifras esixibles sen variación ningunha, é dicir: 3.012 euros como mínimo e 120.202 euros como máximo.
Sociedades unipersonais
A sociedade unipersonal, tanto se é SL coma se é SA, fará constar expresamente a súa condición de unipersonal en toda a súa documentación, correspondencia, notas de pedido e facturas, así como nos anuncios que teña que publicar por disposición legal ou estatutaria.
No hay comentarios:
Publicar un comentario
Nota: solo los miembros de este blog pueden publicar comentarios.